ខេត្តកំពង់ស្ពឺ៖ បុរសវ័យចំណាស់ម្នាក់ត្រូវបានកម្លាំងនគរបាលស្រុកសាមគ្គីមុនីជ័យ ធ្វើការឃាត់ខ្លួនតាមបណ្តឹងរបស់ក្មេងស្រីរងគ្រោះ ក្រោយពីបុរសល្មោភកាមខាងលើ បានធ្វើសកម្មភាពចាប់រំលោភក្មេងស្រីរងគ្រោះអាយុ១២ឆ្នាំបានសម្រេចម្តង ហើយរំលងបានជីត៣ខែទើបបែករឿង ដឹងដល់ម្តាយ។
ការឃាត់ខ្លួនបុរសវ័យចំណាស់ល្មោភកាមខាងលើ បានធ្វើឡើងកាលពីថ្ងៃទី១៣ ខែមករា ឆ្នាំ២០២៤ នៅចំណុចភូមិទួលសំបួរ ឃុំតំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ។
តាមការឱ្យដឹងពីមន្ត្រីនគរបាល ស្រុកសាមគ្គីមុនីជ័យថា ក្រោយពីបានទទួលពាក្យបណ្តឹងពីឈ្មោះ ពុំ ដា ភេទស្រី អាយុ៣៦ឆ្នាំ រស់នៅភូមិទទួលសំបូរ ឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ ត្រូវជាម្តាយរបស់ក្មេងស្រីរងគ្រោះរួចមក។
ដែលបានមកដាក់ពាក្យបណ្តឹង ប្តឹងទៅលើជនសង្ស័យ ឈ្មោះ ង៉ុយ ផេង ភេទប្រុស អាយុ៥៦ឆ្នាំ រស់នៅភូមិទួលសំបូរ ឃុំដំណាក់រាំង ស្រុកសាមគ្គីមុនីជ័យ ក្បែរគ្នា ថា បានចាប់រំលោភសេពសន្ថវៈ ទៅលើកូនស្រីរបស់ខ្លួន ឈ្មោះ វ ក ល ណ ភេទស្រី អាយុ១២ឆ្នាំ នៅរៀន ដែលប្រព្រឹត្ត ទៅកាលពីអំឡុង ខែ១០និងខែ១១ ឆ្នាំ២០២៣កន្លងទៅ(មិនចាំថ្ងៃ)នោះទេ។ នៅចំណុចសួនច្បារ ក្នុងដីពុះឡូតិ៍មហាព្រហ្ម៥ ស្ថិតនៅភូមិទួលសំបូរ ឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ។
មន្ត្រីនគរបាលស្រុកដដែលបានបន្តទៀតថា តាមការបំភ្លឺរបស់ក្មេងស្រីរងគ្រោះ បាននិយាយឲ្យដឹងថា នៅមុនពេលបុរសវ័យចំណាស់ល្មោភកាម ចាប់រំលោភនាងនោះ គឺនៅពេលដែលនាងទៅដើរលេងនៅក្នុងសួនច្បារ ក្នុងដីឡូតិ៍ មហាព្រហ្ម៥ ហើយពេលនោះនាង(ក្មេងស្រីរងគ្រោះ) កំពុងបេះផ្លែស្វាយ។ ស្រាប់តែបុរសវ័យចំណាស់ ដែលជាជនសង្ស័យបានមកចាប់ឱបនាងពីក្រោយ ហើយអូសទាញរូបនាងចូលទៅក្នុងព្រៃរួចចាប់ស្រាតខោនាងធ្វើសកម្មភាពរំលោភបានសម្រេចម្ដង។ ក្រោយចាប់រំលោភរួច នាងបានរត់ទៅផ្ទះ មិនហ៊ានប្រាប់ម្តាយ និងឪពុកនោះទេ។
ដោយនាងមានអាក្ការៈ ស្លេកស្លាំងពេកម្តាយសួរនាំ ទើបក្មេងស្រីរងគ្រោះប្រាប់ពីដំណើររឿង ទើបម្តាយក្មេងស្រីសម្រេចចិត្តដាក់ពាក្យបណ្តឹង ឱ្យនគរបាលឃាត់ខ្លួនបុរសវ័យចំណាស់ល្មោភកាមតែម្តងទៅ។
ក្រោយពីនគរបាលបានធ្វើការឃាត់ខ្លួនជនសង្ស័យល្មោភកាមខាងលើ បុរសវ័យចំណាស់ បានឆ្លើយសារភាពថា រូបគេពិតជាបានចាប់ក្មេងស្រី(ដោយញុលគូទពីក្រោយ) ពិតប្រាកដមែន។
បច្ចុប្បន្ន ជនសង្ស័យត្រូវបានសមត្ថកិច្ចនគរបាលជំនាញ កសាងសំណុំរឿងបញ្ជូនទៅស្នងការដ្ឋាន នគរបាលខេត្តកំពង់ស្ពឺ ចាត់ការបន្តតាមផ្លូវច្បាប់៕
