កំពង់ស្ពឺ៖ ថ្ងៃទី១០ ខែធ្នូ ឆ្នាំ២០២៤ ក្រុមប្រឹក្សាខេត្ត បានរៀបចំវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្ត លើកទី១ អាណត្តិទី៤ ឆ្នាំ២០២៤ ក្រោមអធិបតីភាព ឯកឧត្តម ឈៀង សិលា សមាជិកក្រុមប្រឹក្សាខេត្ត ឯកឧត្តម ហន ភក្តី អភិបាលរង នៃគណៈអភិបាលខេត្ត ពិធីនេះក៏មានការ អញ្ជើញចូលរួមពីឯកឧត្តម លោកជំទាវ សមាជិកក្រុមប្រឹក្សាខេត្ត លោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត កងកម្លាំងទាំង៣ អាជ្ញាធរ មេឃុំ និងប្រជាពលរដ្ឋសរុបប្រមាណជា២២០នាក់។
ថ្លែងក្នុងវេទិការនេះឯកឧត្តម ឯកឧត្តម ឈៀង សិលា សមាជិកក្រុមប្រឹក្សាខេត្ត បានជម្រាបដល់ លោក លោកស្រី បងប្អូនប្រជាពលរដ្ឋ នាឱកាសនោះថា÷ វេទិកានេះរាជរដ្ឋាភិបាលបង្កើតឡើង ពិតជាមានសារៈសំខាន់ណាស់ ក្នុងការពិភាក្សា ពិគ្រោះយោបល់ ជាមួយបងប្អូនប្រជាពលរដ្ឋ ដើម្បីរកនូវបញ្ហាអាទិភាពសំខាន់ៗ សម្រាប់រដ្ឋបាលខេត្តយកទៅធ្វើការពិចារណាដោះស្រាយ និងបន្តអនុវត្ត ដើម្បីលើកកម្ពស់ជីវភាពប្រជាពលរដ្ឋនៅគ្រប់មូលដ្ឋាន ភូមិ ឃុំ សង្កាត់ ស្រុក ឲ្យកាន់តែល្អប្រសើរឡើង យើងទាំងអស់គ្នា ត្រូវតែចូលរួមថែរក្សា និងការពារសន្តិភាព សណ្តាប់ធ្នាប់សង្គម ព្រមទាំងការផ្តល់សេវាសាធារណៈ ឱ្យបានកាន់តែល្អប្រសើរបន្ថែមទៀត ឲ្យកាន់តែខិតទៅជិតប្រជាពលរដ្ឋ។
ក្នុងឱកាសនោះដែរ ឯកឧត្តម ហន ភក្តី អភិបាលរងខេត្ត បានលើកឡើងថា៖ ដើម្បីចូលរួមចែករំលែកគំនិតយោបល់ និងការយល់ឃើញរបស់ប្រជាពលរដ្ឋ ក្នុងនោះប្រជាពលរដ្ឋមានចម្ងល់ ឬយោបល់ ត្រូវលើកដៃ ឬសរសេរលើក្រដាស ហើយប្រជាពលរដ្ឋគ្រប់រូប មានសិទ្ធិស្មើៗគ្នាក្នុងការបញ្ចេញមតិយោបល់ សូមបងប្អូនប្រជាពលរដ្ឋទាំងអស់ រួមទាំងមន្ត្រីរាជការ សូមមេត្តាលើកឡើងនៅបញ្ហាដែលបានជួបប្រទះកន្លងមក ក៏ដូចជាសំណូមពរផ្សេងៗ ដើម្បីទុកលទ្ធភាពឲ្យក្រុមប្រឹក្សាខេត្តធ្វើការប្រមូល នូវរាល់មតិយោបល់ បញ្ហាប្រឈម និងសំណូមពរទាំងនោះ យកមកធ្វើការពិភាក្សាស្រាយបំភ្លឺ និងឆ្លើយតបជូនវិញ សំដៅឈានទៅធ្វើការកែលម្អ និងដោះស្រាយឱ្យកាន់តែល្អប្រសើរស្របទៅនឹងតម្រូវការជាអាទិភាពជាក់ស្តែងរបស់បងប្អូនប្រជាពលរដ្ឋនៅតាមមូលដ្ឋាន។
ក្នុងអង្គវេទិកានោះដែរក៏មានបញ្ហាប្រឈប និងសំណូមពរដូចជា៖ -ស្នើសុំវាស់វែងប្រឡាយ
-ស្នើសុំឱ្យវារីអគ្គិសនី បើកទ្វាទឹក -សុំណូមពរតបណ្តាញទឹកស្អាតសម្រាប់ប្រើប្រាស់ -បញ្ហារផ្លូវខូច -បញ្ហារធ្វើប្លង់ ប័ណ្ណកម្មសិទ្ធិដីធ្លី សុំអោយពន្លឿននិងឆាប់រហ័ស -បញ្ហារអគ្គីសនីប្រើប្រាស់រាល់ថ្ងៃមានការឡើងគីឡូភ្លើងច្រើន ព្រមទាំងសំណើ និងសំណូមពរមួយចំនួនទៀតដែលពាក់ព័ន្ធការអភិវឌ្ឍន៍មូលដ្ឋានក្នុងស្រុក ឃុំ ហើយបញ្ហាទាំងនេះត្រូវបាន ឯកឧត្តមសមាជិកក្រុមប្រឹក្សាខេត្ត ឯកឧត្តមអភិបាលរងខេត្ត អាជ្ញាធរ និងមន្ទីរពាក់ព័ន្ធ ធ្វើការបកស្រាយបំភ្លឺ និងទទួលយកទុកអង្វល់ និងសំណូមពរ ក្នុងការជំរុញឱ្យអាជ្ញាធរ និងមន្ទីរអង្គភាព ត្រូវពន្លឿនការដោះស្រាយ ឱ្យបានទាន់ពេលវេលា និងមានប្រសិទ្ធភាពផងដែរ៕
