(ខេត្តស្ទឹងត្រែង,ថ្នាក់ដឹកនាំសមាគមអតីតយុទ្ធជនកម្ពុជា ជំរុញអាជ្ញាធរខេត្ត ក្រុង-ស្រុក-ឃុំ-សង្កាត់ និងប៉ុស្តិ៍នគរបាលរដ្ឋបាល បន្តយកចិត្តទុកដាក់គាំ ពារ និងពន្លឿនការធ្វើបណ្ណក្រីក្រ ជូនសមាជិក-សមាជិ កា សមាគមអតីតយុទ្ធជនកម្ពុជាខេត្តស្ទឹងត្រែង ។ ប្រសាសន៍ដាស់តឿនរបស់សមាជិកគណៈអចិន្ត្រៃយ៍ គណៈកម្មាធិការកណ្តាល សមាគមន៍អតីតយុទ្ធជនកម្ពុជា លោក ច័ន្ទ លំផាត់ តំណាងអនុប្រធានសមា គមអតីតយុទ្ធជនកម្ពុជា នាយឧត្តមសេនីយ៍ កតិសិង្គហបណ្ឌិត ទេសរដ្ឋមន្ត្រី គន់ គីម បានធ្វើឡើងក្នុងឱកាសដែលលោកបានអញ្ជើញជាអធិបតីប្រកាសទទួលស្គាល់ប្រធាន និងអនុប្រធាន គណៈកម្មាធិកា រសមាគមអតីតយុទ្ធជនកម្ពុជា ខេត្តស្ទឹងត្រែង ។
ពិធីប្រកាសទទួលស្គាល់ប្រធាន-អនុប្រធានគណៈ កម្មាធិការសមាគមអតីតយុទ្ធជនកម្ពុជា ខេត្តស្ទឹង ត្រែង ដែលបានធ្វើឡើងនៅរសៀលថ្ងៃទី១៤ កុម្ភៈ ២០២៤ នៅសាលាខេត្តស្ទឹងត្រែងនោះ ក៏មានការអញ្ជើញចូលរួមពីអភិបាលរងខេត្តស្ទឹងត្រែង លោក ស្រី កែវ សាវឿន, មេបញ្ជាការកងរាជអាវុធហត្ថខេត្ត និងជាអនុប្រធានគណៈកម្មាធិការ សមាគមអតីតយុ ទ្ធជនកម្ពុជា ខេត្តស្ទឹងត្រែង, លោកឧត្តមសេនីយ៍ត្រី អៀង វ៉ាន់ឌី លោក ស៊ុទ្ធ វណ្ណា ប្រធានមន្ទីរសង្គមកិ ច្ច អតីតយុទ្ធជន និងយុវនិតិសម្បទា និងជាអនុ ប្រ ធានអចិន្ត្រៃយ៍ គណៈកម្មាធិការ សមាគមអតីតយុទ្ធ ជនកម្ពុជា ខេត្តស្ទឹងត្រែង ប្រធាន អនុប្រធានមន្ទីរ អភិបាលក្រុង-ស្រុកទាំង៦ រួមទាំងកងកម្លាំងប្រដាប់អាវុធទាំង៣ប្រភេទ ផងដែរ។
លោកឧត្តមសេនីយ៍ត្រី តន ឆៃ មេបញ្ជាការតំបន់ប្រតិបត្តិការសឹករងខេត្តស្ទឹងត្រែង ត្រូវបានប្រកាសទទួលស្គាល់ជាប្រធានគណៈកម្មាធិការ សមាគមអ តីតយុទ្ធជនកម្ពុជា ខេត្តស្ទឹងត្រែង និងលោក គឹម ពិ សិដ្ឋ ប្រធានមន្ទីរដែនដី នគរូបនីយកម្ម សំណង់ និងសុយោដីខេត្តស្ទឹងត្រែង ជាអនុប្រធានគណៈក ម្មាធិ ការសមាគមអតីតយុទ្ធជនកម្ពុជា ខេត្តស្ទឹងត្រែង។
អនុគណៈកម្មាធិការជាតិគ្រប់គ្រងគ្រោះមហន្តរាយ លោក ច័ន្ទ លំផាត់ នៅក្នុងឱកាសនោះ បានសំ ណូមពរដល់អាជ្ញាធរខេត្ត ក្រុង-ស្រុក ឃុំ-សង្កាត់ និងប៉ុស្តិ៍នគរបាលរដ្ឋបាល ត្រូវយកចិត្តទុកដាក់ក្នុងការជួយមើលថែចំពោះសមាជិក-សមាជិកា អតីតយុទ្ធជនកម្ពុជាទាំងអស់ តាមរយៈការចុះពិនិត្យមើល និងផ្ដល់ប័ណ្ណក្រីក្រជូនពួកគាត់ឲ្យបានគ្រប់ៗគ្នា ព្រោះដ្បិតអ តីតយុទ្ធជនភាគច្រើន គឺជាជនក្រីក្រ ដូច្នេះប្រសិនបើពួកគាត់ទទួលបានបណ្ណក្រីក្រនោះ ពួកគាត់នឹងទទួ លបានប្រាក់ឧបត្ថម្ភគួបផ្សំជាមួយនឹងប្រាក់បៀវត្ស ដើម្បីយកទៅផ្គត់ផ្គង់ជីវភាពគ្រួសារ និងការដោះ ស្រាយការលំបាកបានមួយកំរិតទៀតផងដែរ។
លោក ច័ន្ទ លំផាត់ ក្នុងឱកាសនោះ បានថ្លែងពាំនាំសេចក្តីនឹករលឹកជាពន្លឹកពីសំណាក់ សម្ដេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា ជូន ចំពោះសមាជិក-សមាជិកា អតីតយុទ្ធជនកម្ពុជា នៅគ្រប់មូលដ្ឋាន ភូមិ-ឃុំ-ស្រុក-ក្រុង នៃខេត្តស្ទឹងត្រែង ៕
ដោយ÷ ជា ប៊ុនគង)
