ខេត្តព្រះវិហារ ÷រថយន្តម៉ាកហ្វតចង្កួតស្តាំពណ៌ស ចំនួន០១គ្រឿង ដឹកឈើប្រភេទឈើឈ្លីក រួមជាមួយរថយន្តរថយន្តម៉ាកស៊ីណាមួយគ្រឿងទៀត ដែលបើកបិទគូត ត្រូវក្រុមសមត្ថកិច្ច នគរបាលបង្ក្រាបបាន ខណៈពួកគេដឹកឈើឈ្លីកចំនួន១៣ដុំស្មើជិត០២ម៉ែត្រគូប បើកកាត់ ប៉ុស្តិត្រួតពិនិត្យហើយបានបុកបារ៉ាសសមត្ថកិច្ច ដើម្បីបើកគេចខ្លួន តែគេចមិនរួចត្រូវកម្លាំងសមត្ថកិច្ចចាប់បាន។
ក្នុងប្រតិបត្តិកានេះបណ្តាលអោយ រថយន្តសមត្ថកិច្ច រងការខួចខាតរបន្តិចបន្តួច ដោយសារថយន្តដឹកឈើបើកកៀរ ។
ហរតុការនេះកើតឡើង នៅចន្លោះម៉ោង ១២រំលងអាធ្រាត្រ ដល់ម៉ោង ៥ទៀបភ្លឺ ឈានចូលថ្ងៃទី០៣ ខែកុម្ភះ ឆ្នាំ២០២៤ ស្ថិតនៅក្នុងស្រុកសង្គមថ្មី ខេត្តព្រះវិហារ។
លោកវិរៈសេនិយ៍ឯក រស់ សុធី នាយការិយាល័យ នគរបាលប្រឆាំងបទល្មើសសេដ្ឋកិច្ច បានអោយដឹងថា សមត្ថកិច្ចមានការយកចិត្តទុកដាក់ និងតាមចាបបង្ក្រាបរថយន្តដឹកបទល្មើសព្រៃឈើ ខុសច្បាប់យ៉ាងនេះដោយលំបាកបំផុតទើបអាចតាមចាប់បង្ក្រាបបាន។
រថយន្តដឹងឈើខាងលើ បានដឹក ចេញពីស្រុកឆែប កាត់ស្រុកជ័យសែន ត្រូវកម្លាំងអធិការនគរបាលស្រុកជយ័សែន តាមប្រម៉ាញ់ រថយន្តដឹកឈើបើករត់ចូលស្រុករវៀង ត្រូវកម្លាំងនគរបាលស្រុករវៀងដាក់បារ៉ាសចាំស្ទាក់ចាប់ តែរថយន្តដឹកឈើដឹងខ្លួនក៍បានបើកបុកបារ៉ាស់ ពីស្រុករវៀង មកស្រុកត្បែងមានជយ័ ត្រូវកម្លាំងនគរបាលស្រុកត្បែងមានជ័យ ពួនស្ទាក់ត្រង់ចំណុចភូមិក្រាំងដូង រថយន្តដឹងឈើបានបើករត់ចូលស្រុកសង្គមថ្មី ត្រូវកម្លាំងអធិការស្រុកស្ទាក់ចាប់បាន ។
នៅចំណុចស្រុកសង្គមថ្មី ចំណែកកម្លាំងនគរបាលសេដ្ឋកិច្ច តាមប្រម៉ាញ់ពីក្រោយជាប់រហូត លោក រស់ សុធី បានបន្តអោយដឹងថា ដោយសារមានរថយត្តម៉ាកសុីណាមួយគ្រឿងទៀត ជាអ្នកបិទគូត ទើបរថយន្តសមត្ថកិច្ចលើងទៅមុខមិនរួច។
ទើបធ្វើអោយការតាមបង្ក្រាបរថយន្តដឹកឈើខាងលើចំណាយពេល ស្ទើពេញមួយយប់ ចំណែកតៃកុងរថយន្តដឹកឈើរត់បាត់ស្រមោល នៅតែក្រុមបិទគូតជាប់ដៃសមត្ថកិច្ចំនួន០៣នាក់ ។
១,ឈ្មោះ ឱន ទែភេទប្រុស អាយុ៣៣ឆ្នាំ រស់នៅឃុំក្រយា ។
២,ឈ្មោះ នី ណាក់ ភេទប្រុស អាយុ៣៧ ឆ្នាំរស់នៅ ភូមិសាក្រៀម ស្រុកប្រាសាទបាលង្គ័ ខេត្តកំពង់ធំ ។
៣,ឈ្មោះ ស៊ុន សុផលភេទស្រី អាយុ៣៧ឆ្នាំ រស់នៅភូមិស្វាយដង្គុំ ខេត្តសៀមរាប ។
ជនសង្សយ័ទាំងនាក់ត្រូវសមត្ថកិច្ចឃាត់ខ្លួន លោក គឹម សំឡេង ព្រះរាជអាជ្ញារង អមសាលាដំបូងខេត្តព្រះវិហារបានអោយដឹងថា យោងតាមបញ្ជារបស់ឯកឧត្តម ទី សុវណ្ណថាល់ ព្រៈរាជអាជ្ញាអមសាលាដំបូងខេត្ត បញ្ជាអោយសមត្ថកិច្ចឃាត់ខ្លួនជនសង្សយ័ទាំង3រូប ក៍សាងសុំណុំរឿងបញ្ជូនទៅតុលាការ ចំណែកវត្ថុតាងមានរថយន្តចំនួន2គ្រឿងរួមទាំងឈើលេខ៩១ចំនួន១៣ដុំត្រូវប្រគល់ទៅអោយផ្នែក សង្លាត់រដ្ឋបាលព្រៃឈើត្បែងមានជយ័ចាត់ការបន្តទៅតាមនិតិវិធីស្តីពីច្បាប់ព្រៃឈើ ។