ភ្នំពេញ ៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានអញ្ជើញធ្វើបឋកថាលើប្រធានបទស្តីពី “ ទំនាក់ទំនងសាធារណៈ និងការគ្រប់គ្រងប្រព័ន្ធផ្សព្វផ្សាយ “ ជូនដល់មន្ត្រីរាជការក្រសួងរៀបចំដែនដី នគរូបនីយកម្ម និងសំណង់ និងមន្ត្រីរាជការការិយាល័យរៀបចំដែនដី នគរូបនីយកម្ម សំណង់ និងភូមិបាល នៃរដ្ឋបាលក្រុង ស្រុក ខណ្ឌ នៅរសៀលថ្ងៃទី៩ ខែសីហា ឆ្នាំ២០២៤ នាសាលប្រជុំក្រសួងរៀបចំដែនដី នគរូបនីយកម្ម និងសំណង់ ។
ការអញ្ជើញធ្វើបឋកថារបស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ក្នុងឱកាសដែល ក្រសួងរៀបចំដែនដី នគរូបនីយកម្ម និងសំណង់ បើកវគ្គបណ្តុះបណ្តាលផ្ទៃក្នុងស្តីពីការកសាងនិងអភិវឌ្ឍសមត្ថភាពមន្ត្រីរាជការ ដើម្បីចូលរួមអនុវត្តយុទ្ធសាស្ត្របញ្ចកោណដំណាក់កាលទី១របស់រាជរដ្ឋាភិបាល ដែលមានចែងក្នុងបញ្ចកោណទី១ ស្តីពីការអភិវឌ្ឍមូលធនមនុស្ស ក្រសួងរៀបចំដែនដី នគរូបនីយកម្ម និងសំណង់ នឹងរៀបចំវគ្គបណ្តុះបណ្តាលផ្ទៃក្នុងស្តីពី ការកសាងនិងអភិវឌ្ឍសមត្ថភាពមន្ត្រីរាជការក្រសួង ដែលចាប់ផ្តើមពីខែមេសា ដល់ខែវិច្ឆិកា ឆ្នាំ២០២៤ ៕
រូបថត៖ ឌី ណារិន
