កំពង់ស្ពឺ÷ ព្រឹកថ្ងៃអាទិត្យទី ១៧ ខែវិច្ឆិកាឆ្នាំ ២០២៤ ឯកឧត្តម បណ្ឌិត ជាម ច័ន្ទសោភ័ណ ប្រធានគណបក្សប្រជាជនខេត្តកំពង់ស្ពឺឯកឧត្តម យឹម សុខុម អនុប្រធានគណបក្សខេត្ត ឯកឧត្តម អិន ឃុន ប្រធានមន្ទីរបក្សខេត្តកំពង់ស្ពឺ បានអញ្ជើញអមដំណើរឯកឧត្តម ហ៊ុន ម៉ានី ប្រធានគណបក្សចុះមូលដ្ឋានខេត្តកំពង់ស្ពឺ និងឯកឧត្តម អៀង មូលី ប្រធានប្រធានគណបក្សចុះជួយស្រុកបសេដ្ឋ បានអញ្ជើញជាអធិបតីភាពក្នុង ពិធីប្រកាសបញ្ចូលសមាជិកគណបក្សប្រជាជនកម្ពុជា ស្ថិតនៅភូមិក្រុមហ៊ុន ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ ដែលបានសុំចូលរួមជីវភាពនយោបាយជាមួយគណបក្សប្រជាជនចំនួន ៣០៧នាក់ស្រី ១៦៣ នាក់ក្នុងនោះជាមន្ត្រីរាជការមានចំនួន ៦ នាក់កម្មករ ២១០នាក់សិស្សចំនួន ២២ នាក់និស្សិតចំនួន១០ នាក់ និងបងប្អូនជាកសិករ ៥៨ នាក់ ក្នុងនោះសមាជិកមកពីគណបក្សផ្សេងចំនួន ១ នាក់សរុប សមាជិកចូលរួម ៤១៧នាក់។
ឯកឧត្តម ហ៊ុន ម៉ានី ប្រធានគណបក្សចុះមូលដ្ឋានខេត្តកំពង់ស្ពឺមានប្រសាសន៍ថា÷ ក្នុងនាមរាជរដ្ឋាភិបាលកម្ពុជា និងប្រធានគណបក្សចុះមូលដ្ឋានខេត្តកំពង់ស្ពឺសូមចូលរួមអបអរសាទរ ដោយគោរពស្រឡាញ់ចំពោះបងប្អូន ដែលបានភ្ញាក់រលឹកចូលរួមរស់ជីវភាពនយោបាយជាមួយគណបក្សប្រជាជនកម្ពុជា។
ក្នុងន័យនេះបង្ហាញឲ្យឃើញថាយើងរួបរួមគ្នា ស្រលាញ់គ្នា ដើម្បីកសាងជាតិមាតុភូមិរបស់យើងឲ្យបានរុងរឿង ហើយឯកឧត្តម បានបន្ថែមទៀតថា ក្នុងនាមសមាជិកសមាជិកាគណបក្សប្រជាជនកម្ពុជាយើង ពុំដែលមានការរើសអើង ឬប្រកាន់និន្នាការអ្វីនោះឡើយ។
ទោះបីជាបងប្អូននៅក្នុងបក្សណា ក៏ដោយ បើបងប្អូនមានបំណងចង់ចូលរួមជីវភាពនយោបាយជាមួយគណបក្សប្រជាជនកម្ពុជាសូមស្វាគមន៍ជានិច្ច មិនថានៅតំបន់ណា ទីណានោះទេ សូមអញ្ជើញចូលរួមដោយភាពជឿជាក់ និងកក់ក្តៅមិនមានការភ័យខ្លាច និងគោរពស្រឡាញ់រាប់អានគ្នាឲ្យបានច្រើន ទើបប្រទេសជាតិយើងមានការរីកចម្រើនជាជាបន្តបន្ទាប់ផងដែរ៕
