កំពង់ស្ពឺ៖ ព្រឹកថ្ងៃសៅរ៍ ទី២០ ខែកញ្ញា ឆ្នាំ២០២៥នេះ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈខេត្តកំពង់ស្ពឺបានអញ្ជើញបើកកញ្ចប់លទ្ធផលប្រឡងសញ្ញាបត្រមធ្យមសិក្សាទុតិយភូមិ នៅវិទ្យាល័យកំពង់ស្ពឺ។
ជាលទ្ធផលសម្រាប់ខេត្តកំពង់ស្ពឺ បេក្ខជនដែលមកប្រឡងសរុបចំនួន ៥.២៩៧នាក់ (ស្រី ៣.១០៣នាក់)
បេក្ខជនប្រឡងជាប់សរុប ៤៧៦នាក់(ស្រី ២.៨៨៣នាក់)
ភាគរយៈជាប់ ៨៩.៩១
បេក្ខជនប្រឡង ជាប់តាមនិទ្ទេស អេ(A),សរុបចំនួន ៧៩នាក់ (ស្រី ៥០នាក់) និទ្ទេស ប៊ី (B),សរុបចំនួន ៣៣៧នាក់ (ស្រី ២២៥នាក់ ),និទ្ទេស ស៊ី(C ) ចំនួន១២២៤នាក់ (ស្រី ៩៣២នាក់) ,និទ្ទេស ឌី(D) ២.០១០នាក់( ស្រី ១.២៤៦នាក់), និទ្ទេស អ៊ី(E) ដរុបចំនួន ១.៣៨៨នាក់( ស្រី ៦៦១នាក់) ។
រដ្ឋបាលខេត្តកំពង់ស្ពឺបានឱ្យដឹងថា បេក្ខជនដែលទទួលបាននិទ្ទេស A ទាំងអស់ នឹងទទួលបាននូវ កុំព្យូទ័រយួរដៃម្នាក់ មួយគ្រឿង ដែលជាការឧបត្ថម្ភផ្ទាល់ពីឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ។
យោងតាមការប្រកាសរបស់
ក្រសួងអប់រំ យុវជន និងកីឡាបានបង្ហាញថា លទ្ធផលនៃការប្រឡងមធ្យមសិក្សាទុតិយភូមិ (បាក់ឌុប) ឆ្នាំ២០២៥ តាមនិទ្ទេសនីមួយៗ មានដូចជា៖ សិស្សទទួលបាននិទ្ទេស A ចំនួន ៣.០០៣នាក់, និទ្ទេស B ចំនួន ៩.៩០១នាក់, និទ្ទេស C ចំនួន ២៨.៨០១នាក់, និទ្ទេស D ចំនួន ៤៥.៨៥៩នាក់ និងនិទ្ទេស E ចំនួន ៣៤.៩០៩នាក់។
សូមរំលឹកថា ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង៖ រយៈពេល២ថ្ងៃ នៅថ្ងៃទី២៨ និងថ្ងៃទី២៩ ខែសីហា ឆ្នាំ២០២៥ ការប្រឡងនេះ មានបេក្ខជនចុះឈ្មោះប្រឡងសរុបចំនួន ១៤៦ ៧២០ នាក់ (ស្រី ៨១ ៤៤២ នាក់) ក្នុងនោះ បេក្ខជនថ្នាក់វិទ្យាសាស្ត្រ មានចំនួន ៤០ ៦៧៨ នាក់ (ស្រី ២៤ ៥១៩ នាក់) បេក្ខជនថ្នាក់វិទ្យាសាស្ត្រសង្គមមានចំនួន ១០៦ ០៤២ នាក់ (ស្រី ៥៦ ៩២៣ នាក់)៕
