កំពង់ស្ពឺ៖ ថ្ងៃទី១៣ ខែកញ្ញា ឆ្នាំ២០២៥ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺអញ្ជើញអមដំណើរឯកឧត្តម ហ៊ុន ម៉ានី ឧបនាយករដ្ឋមន្ត្រី ក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តកំពង់ស្ពឺ អញ្ជើញសំណេះសំណាល និងសួរសុខទុក្ខ និវត្តន៍ជនទូទាំងខេត្តកំពង់ស្ពឺប្រមាណជាង២០០០នាក់ ។ ក្នុងពិធីនេះផងដែរមានវត្តមានអញ្ជើញចូលរួមពី ឯកឧត្តម អ្នកតំណាងរាស្ត្រមណ្ឌលកំពង់ស្ពឺ ឯកឧត្តម លោកជំទាវ ប្រធានក្រុមការងាររាជរដ្ឋាភិបាលចុះជួយមូលខេត្ត ព្រមទាំងឯកឧត្តម លោកជំទាវ សមាជិកក្រុមប្រឹក្សាខេត្ត ឯកឧត្តម លោកជំទាវ អភិបាលរងខេត្ត លោក អភិបាលក្រុង-ស្រុក លោកស្រី ថ្នាក់ដឹកនាំ មន្ត្រីរាជការអង្គភាពជុំវិញខេត្តចូលរួមជាច្រើននាក់ទៀត៕
ក្នុងឱកាសនោះដែរ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ បានថ្លែងថា ការជួបជុំគ្នានេះ ធ្វើឡើងដើម្បីបង្កឱកាសជូនរៀមច្បង ជាអតីតមន្ត្រីរាជការស៊ីវិល ទូទាំងខេត្តកំពង់ស្ពឺ បានជួបជុំពិភាក្សាសួរសុខទុក្ខ សំណេះសំណាល និងឈ្វែងយល់អំពីស្ថានភាព ជីវភាពរស់នៅ គ្នាទៅវិញទៅមក ក្នុងន័យបង្កើនចំណងសាមគ្គីភាព និងមិត្តភាព ជាការពិតណាស់ លោកពូ លោកអ៊ុំ អ្នកមីង ជារៀបច្បង ពេលនេះចប់ភារកិច្ចក្នុងការបម្រើជាតិក៏ពិតមែន ប៉ុន្តែមិនត្រូវមានចិត្តអស់សង្ឃឹមនោះទេ ព្រោះនៅមានកាតព្វកិច្ចជួយជ្រោមជ្រែង ទៅដល់យុវជនជំនាន់ក្រោយៗទៀត។
ឆ្លៀតក្នុងឱកាសនោះដែរ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណះ បានថ្លែងក្នុងពិធីសំណេះសំណាលសួរសុខទុក្ខនិវត្តជននេះ ត្រូវបានរៀបចំឡេីងដើម្បីជាការលើកទឹកចិត្ត និងតបស្នងគុណជូនចំពោះមន្ត្រីរាជការ ដែលបានខិតខំប្រឹងប្រែងបម្រើការងាររហូតដល់អាយុ និងគ្រប់អតីតភាពការងារត្រូវចូលនិវត្តន៍ ការជួបជុំគ្នានេះ គឺជាការរំលឹកដឹងគុណ អតីតមន្ត្រីរាជការស៊ីវិល ដែលបានខិតខំតស៊ូអត់ធ្មត់ គ្រប់កាលៈទេសៈ និងគ្រប់ដំណាក់កាល ក្នុងការការពារ និងអភិវឌ្ឍន៍ប្រទេសជាតិ ពិសេសបានកសាងកេរ្តិ៍តំណែល និងស្នាដៃដ៏មានសារៈសំខាន់ ទាំងការផ្តល់នូវចំណេះដឹង ចំណេះធ្វើ និងបទពិសោធន៍ល្អៗជាច្រើន សម្រាប់មន្ត្រីរាជការជំនាន់ក្រោយរៀនសូត្រ និងយកទៅអនុវត្តតាម។
ជាការពិតណាស់ រាជរដ្ឋាភិបាលកម្ពុជា ក្រោមការដឹកនាំរបស់សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា តែងតែខិតខំប្រឹងប្រែង និងបាននាំមកនូវសុខសន្តិភាព ស្ថេរភាពពេញលេញ និងអភិវឌ្ឍន៍លើគ្រប់វិស័យ ព្រមទាំងសូមបួងសួង វត្ថុស័ក្កិសិទ្ធក្នុងលោកជួយបីបាច់តាមថែរក្សាដល់វិរៈកងទ័ពដែលកំពុងឈជើងការពារទឹកដីកម្ពុជា មិនអោយជនណាមកឈ្លានពានទឹកដីសូម្បីតែមួយមីលីម៉ែត្រផងដែរ។
