កំពង់ស្ពឺ ៖សមាគមអតីតយុទ្ធជនកម្ពុជាខេត្តកំពង់ស្ពឺ បានធ្វើការរៀបចំ ពិធីអបអរសាទរខួបលើកទី១៨ ទិវាអតីតយុទ្ធជនកម្ពុជា ២១ មិថុនា ២០១៧- ២១ មិថុនា ២០២៥ នារសៀលថ្ងៃទី០៦ ខែកក្កដា ឆ្នាំ២០២៥ បានប្រារព្ធនៅសាលប្រជុំ វ៉ី សំណាង រដ្ឋបាលខេត្តកំពង់ស្ពឺ។ ក្រោមអធិបតីភាពឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ និងជាប្រធានកិត្តិយស គណៈកម្មាធិការសមាគមអតីតយុទ្ធជនកម្ពុជាខេត្ត។ ពិធីក៏មានការអញ្ជើញចូលរួមពីសំណាក់ឯកឧត្តមលោកជំទាវអភិបាលរង លោកលោកស្រីមន្ត្រីរាជការជុំវិញខេត្ត កងកម្លាំងទាំងបី និងអុំ ពូ មីង ជាវីរៈអតីតយុទ្ធជន សរុបបរមាណជា២៨០នាក់។ មានប្រសាសន៍ ស្វាគមន៍ ក្នុងពិធី លោកឧត្តមសេនីយ៍ទោ ម៉ាន់ ម៉ាច មេបញ្ជាការតំបន់ប្រតិបត្តិការសឹករងខេត្តកំពង់ស្ពឺ បានលើកឡើងថា ការរៀបចំអបអរសាទរខួបលើកទី១៨ ទិវាអតីតយុទ្ធជនកម្ពុជា នេះគឺជាការដឹងគុណដល់វីរភាពរបស់កម្មាភិបាលយុទ្ធជនយុទ្ធនារី ដែលបានលះបង់សាច់ស្រស់ឈាមស្រស់ និងអាយុជីវិត ដើម្បីបុព្វហេតុជាតិ និងប្រជាជនកម្ពុជា ដោយមានគុណបំណាច់របស់បងប្អូនពូមីង ជាវីរៈអតីតយុទ្ធជន ទើបយើងមានអ្វីៗនៅថ្ងៃនេះ។ ថ្លែងក្នុងពិធី អបអរសាទរខួបលើកទី១៨ ទិវាអតីតយុទ្ធជនកម្ពុជា ឯកឧត្តមបណ្ឌិត […]
