កំពង់ស្ពឺ៖ព្រឹកថ្ងៃទី២៨ ខែសីហា ឆ្នាំ២០២៥ មន្ទីររ៉ែ និងថាមពលខេត្តកំពង់ស្ពឺ បានចូលរួមសហការជាមួយក្រុមការងារអគ្គនាយកដ្ឋានថាមពល នៃក្រសួងរ៉ែ និងថាមពល រៀបចំសិក្ខាសាលាផ្សព្វផ្សាយ និងលើកកម្ពស់ការយល់ដឹងអំពី សេចក្ដីណែនាំ ស្ដីពីសុវត្ថិភាព និងសន្តិសុខសម្រាប់ការប្រើប្រាស់ប្រភពវិទ្យុសកម្ម ដល់មន្ត្រី និងបុគ្គលិក និងនៅតាមបណ្ដាមន្ទីរអង្គភាព ស្ថាប័នវិស័យឯកជននានា ស្ថិតនៅក្នុងខេត្តកំពង់ស្ពឺ ក្រោមអធិបតីភាពឯកឧត្ដម លី វណ្ណា រដ្ឋលេខាធិការនៃក្រសួងរ៉ែ និងថាមពល និងលោក ប៊ិញ ជីវតុង ប្រធានមន្ទីររ៉ែ និងថាមពលខេត្តកំពង់ស្ពឺ ពិធីនេះដែរប្រារព្ធធ្វើនៅសាលប្រជុំមន្ទីររ៉ែ និងថាមពលខេត្តកំពង់ស្ពឺ។
ឆ្លៀតក្នុងឱលាសនោះ ឯកឧត្ដម លី វណ្ណា រដ្ឋលេខាធិការនៃក្រសួងរ៉ែ និងថាមពល មានប្រសាសន៍ថាគោលបំណងសុវត្ថិភាពវិទ្យុសកម្ម គឺជាការការពារខ្លួនពីការទទួលរងនូវសារធាតុវិទ្យុសកម្មពី គ្រប់មជ្ឈដ្ឋានដូចជា វិទ្យុសកម្មដែលបង្កើតដោយមនុស្ស និងវិទ្យុសកម្មដែលកើត ដោយធម្មជាតិ។ វិទ្យុសកម្មគឺមានផលប៉ះពាល់យ៉ាងធ្ងន់ធ្ងរដល់បុគ្គល និងសាធារណៈជន ក្នុងករណីទទួលរងនូវវិទ្យុសកម្មកម្រិតខ្ពស់ ក្នុងរយៈពេលខ្លី ឬយូរ វា អាចទៅបំផ្លាញសរីរាង្គ កោសិការ និងអាចវាអាចបណ្តាលឱ្យស្លាប់ក្នុង ហើយសិក្ខាសាលាផ្សព្វផ្សាយនាឱកាសនេះ ក្នុងការបញ្ជ្រាបការយល់ដឹងដល់មន្ត្រីមន្ទីររ៉ែនិងថាមពល និងតាមបណ្តាវិស័យឯកជន លើសញ្ញាណទូទៅនៃមូលដ្ឋានគ្រឹះសុវត្ថិភាព និងសន្តិសុខនៃប្រភពវិទ្យុសកម្ម និងគោលការណ៍នៃការការពារ ពិសេសគឺវាពិតជាមានសារៈសំខាន់ណាស់ដល់រោងចក្រសហគ្រាស និងវិស័យឯកជន ។
ឯកឧត្តមបានក៍បានជំរុញដល់សមាជិក សមាជិកាដែលជាសិក្ខាកាមទាំងអស់ សូមយកចិត្តទុកដាក់ត្រង់ត្រាប់ស្តាប និងស្រូបយកចំណេះដឹងពីវាគ្មិនប្រកបដោយបទពិសោធន៍ និងជំនាញ ក៏ដូចជាលើកជាសំណួរ និងចូលរួមផ្តល់មតិយោបល់ឱ្យបានច្រើន ដើម្បីជាចំណេះដឹង និងវិលត្រលប់ទៅវិញសូមយកចំណេះជំនាញដែលបានរៀនរយះពេល១ព្រឹកនេះដើម្បីយកទៅអនុវត្តន៍អោយបានត្រូវទៅតាមបច្ចេកវិទ្យាដែលវាគ្មិនបានបង្រៀនទៅតាមជំនាញបច្ចេកទេស ក្នុងការអភិវឌ្ឍន៍ផលិតផលរបស់ខ្លួនផងដែរ។
