កាលពីថ្ងៃទី១៣.០១.២០២៤ វេលាម៉ោង១៧និង០០នាទី សហគ្រាសស្លសំណអាគុយ នៅភូមិពាំងល្វា ឃុំពាំងល្វា ស្រុកសាមគ្គីមុនីជ័យ ខេត្តកំពង់ស្ពឺ បានជួលរថយន្ត ម៉ាក Hyundai ពណ៍ស ពាក់ផ្លាកលេខ ព្រះសីហនុ 3A: 2400របស់ក្រុមហ៊ុនអូរឡែរ នៅជម្ពូរវ័ន ដឹកសំណទម្ងន់២៦. ៣៤១តោន ទៅកំពុងផែ ខេត្តព្រះសីហនុ។ អ្នកបើកបរឈ្មោះធី វិរ: ភេទប្រុសអាយុ២៧ឆ្នាំនៅភូមិត្រពាំងថ្ម សង្កាត់ក្សេមក្សាន្ត ក្រុងឧដុង្គម៉ែជ័យ ខេត្តកំពង់ស្ពឺ ។ នៅថ្ងៃទី១៤.០១.២០២៤វេលាម៉ោង ១៣និង៣០នាទី មានឈ្មោះស៊ិន ប៊ុនធឿន ភេទប្រុសអាយុ៤២ឆ្នាំ នៅភូមិត្រពាំងដំរី ឃុំសែនដី ស្រុកសំរោងទង ខេត្តកំពង់ស្ពឺនិងកម្មករ២នាក់ បានដឹកសំណដែលស្លរួច តាមរថយន្ត២គ្រឿង ទម្ងន់១៣,៥៥៥តោន មកលក់ឲសហគ្រាសក្រោយពិនិត្យសំណ ជារបស់ សហគ្រាសដែលដឹកទៅខេត្តព្រះសីហនុ ហើយបានសួរទៅក្រុមហ៊ុនដឹកជញ្ជូន ទើបដឹងថា សំណនេះ ត្រូវបានក្រុមចោរ និងអ្នកបើកបរ រួមគំនិតគ្នាកាត់កុងទីន័រយកតាមផ្លូវ ពេលដឹកទៅខេត្តព្រះសីហនុ ។ តាមការស្រាវជ្រាវ កន្លែងកាត់កុងទីន័រយកសំណ ស្ថិតនៅក្នុងទីតាំងបន្ទាយ ACO ភូមិអន្លង់ថ្លឹង […]
